૮ દિશાઓની સરળ સમજ, ઘડિયાળ ડાયલ ટ્રીક, પાયથાગોરસ ગોલ્ડન રેશિયો, અગાઉ પૂછાયેલા પ્રશ્નો અને વિડિયો માર્ગદર્શન
🎯 MAT વિભાગ | ૩ થી ૫ ગુણનું વેઇટેજ | GIET સંધાન આધારિત સંપૂર્ણ ગાઇડ
૮ દિશાઓ
૪ મુખ્ય દિશા + ૪ ખૂણા (ઈનોવા)
૩:૪:૫ | ૫:૧૨:૧૩
પાયથાગોરસના ગોલ્ડન રેશિયો
પડછાયાનો નિયમ
સવારે પશ્ચિમ, સાંજે પૂર્વ
૩ વિડિયો લેક્ચર
GIET સંધાન ભાગ ૧, ૨ અને ૩
🌟 NMMS પરીક્ષામાં 'દિશા અને અંતર' નું મહત્વ
📌 NMMS પરીક્ષાના MAT (માનસિક યોગ્યતા કસોટી) વિભાગમાં દર વર્ષે દિશા અને અંતર આધારિત ૩ થી ૫ પ્રશ્નો ચોક્કસ પૂછાય છે. વિદ્યાર્થીઓ મોટા ભાગે ડાબી-જમણી બાજુ વળવામાં અને કર્ણનું અંતર શોધવામાં ગૂંચવાતા હોય છે. આ પોસ્ટમાં ઘડિયાળના ડાયલની ટ્રીક, 'ઈનોવા' (ઈ-અ-ન-વા) ખૂણાની રીત અને પાયથાગોરસના ગોલ્ડન રેશિયો દ્વારા તમામ પ્રશ્નો માત્ર ૩૦ સેકન્ડમાં ઉકેલવાની રીત સમજાવી છે.
નકશા અને કાગળ પર દિશાઓનું સ્થાન:
• ઉત્તર (North): હંમેશા ઉપરની તરફ (ઘડિયાળમાં ૧૨ વાગ્યે).
• દક્ષિણ (South): હંમેશા નીચેની તરફ (ઘડિયાળમાં ૬ વાગ્યે).
• પૂર્વ (East): જમણી બાજુ (ઘડિયાળમાં ૩ વાગ્યે — સૂર્યોદયની દિશા).
• પશ્ચિમ (West): ડાબી બાજુ (ઘડિયાળમાં ૯ વાગ્યે — સૂર્યાસ્તની દિશા).
૪ ખૂણા (ઈનોવા ટ્રીક)
ખૂણા યાદ રાખવાની ચાવી — “ઈ-અ-ન-વા” (Innova):MOST IMP
• ઈ – ઈશાન (NE): ઉત્તર અને પૂર્વની વચ્ચે (ઘડિયાળમાં ૧:૩૦ વાગ્યે).
• અ – અગ્નિ (SE): પૂર્વ અને દક્ષિણની વચ્ચે (ઘડિયાળમાં ૪:૩૦ વાગ્યે).
• ન – નૈઋત્ય (SW): દક્ષિણ અને પશ્ચિમની વચ્ચે (ઘડિયાળમાં ૭:૩૦ વાગ્યે).
• વા – વાયવ્ય (NW): પશ્ચિમ અને ઉત્તરની વચ્ચે (ઘડિયાળમાં ૧૦:૩૦ વાગ્યે).
ડાબી અને જમણી નિયમ
ઘડિયાળના કાંટાનો સુવર્ણ નિયમ:GOLDEN RULE
• જમણી બાજુ વળવું (Right Turn): હંમેશા ઘડિયાળના કાંટાની દિશામાં (Clockwise ↻) 90° ફરવું.
• ડાબી બાજુ વળવું (Left Turn): હંમેશા ઘડિયાળના કાંટાની વિરુદ્ધ દિશામાં (Anti-clockwise ↺) 90° ફરવું.
• ખાસ નોંધ: બે ક્રમિક મુખ્ય દિશાઓ વચ્ચે 90°, બે ક્રમિક ખૂણાઓ (દા.ત. ઈશાન-વાયવ્ય) વચ્ચે પણ 90° અને ૮ દિશાના ક્રમમાં દરેક વચ્ચે 45° નો ખૂણો બને છે.
પડછાયાનો નિયમ
સૂર્યોદય અને સૂર્યાસ્તના પડછાયા:MOST IMP
• પ્રકાશ જે દિશામાંથી આવે તેની વિરુદ્ધ દિશામાં પડછાયો પડે.
• સૂર્યોદય (સવાર) સમયે: સૂર્ય પૂર્વમાં હોવાથી પડછાયો હંમેશા પશ્ચિમ દિશામાં જ પડે (પછી વ્યક્તિનું મોઢું ગમે તે દિશામાં હોય!).
• સૂર્યાસ્ત (સાંજ) સમયે: સૂર્ય પશ્ચિમમાં હોવાથી પડછાયો હંમેશા પૂર્વ દિશામાં જ પડે.
📐 ૨. અંતર શોધવા માટે પાયથાગોરસના ગોલ્ડન રેશિયો (Master Chart)
શ્યામ પ્રસ્થાન બિંદુથી ૩ કિમી પશ્ચિમ દિશામાં ચાલે છે, પછી તે જમણી બાજુ ફરીને ૩ કિમી ચાલે છે. તો હવે તેનું મોઢું કઈ દિશામાં હશે?
સમજૂતી: પશ્ચિમ દિશા (ડાબી બાજુ) થી જમણી બાજુ એટલે ઘડિયાળના કાંટાની દિશામાં (Clockwise ↻) ઉપરની તરફ જવું. સાચો જવાબ:ઉત્તર દિશા
પ્રશ્ન ૨ (ક્રમિક વળાંક)
ધવલ પૂર્વ દિશામાં ચાલે છે, ત્યારબાદ દક્ષિણમાં, પછી પશ્ચિમમાં અને છેલ્લે ડાબી બાજુ વળી જાય છે. તો હવે તે કઈ દિશામાં ચાલે છે?
સમજૂતી: પૂર્વ ➔ દક્ષિણ ➔ પશ્ચિમ. હવે પશ્ચિમથી ડાબી બાજુ એટલે Anti-clockwise ↺ (નીચેની તરફ). સાચો જવાબ:દક્ષિણ દિશા
પ્રશ્ન ૩ (લંબચોરસ માર્ગ)
સીમા ઘરેથી પૂર્વમાં ૨ કિમી ચાલે છે, ત્યાંથી ડાબી બાજુ વળી ૧ કિમી ચાલે છે અને ફરી ડાબી બાજુ વળી ૨ કિમી ચાલે છે. તો તે પોતાના ઘરેથી કેટલા અંતરે હશે?
સમજૂતી: અહીં લંબચોરસ (Rectangle) માર્ગ રચાય છે. પૂર્વના ૨ કિમી અને પશ્ચિમના ૨ કિમી સમાંતર હોવાથી રદ થાય છે. સામસામેની બાજુ સરખી હોવાથી સીધું અંતર માત્ર ૧ કિમી રહેશે (૫ કિમી નહીં!). સાચો જવાબ:૧ કિમી
પ્રશ્ન ૪ (પાયથાગોરસ 6:8:10)
કાજલ પૂર્વમાં ૬ મીટર ગઈ અને ત્યારબાદ દક્ષિણમાં ૮ મીટર ચાલી. તો હવે તે મૂળ સ્થાનથી કેટલા મીટર દૂર હશે?
સમજૂતી: પૂર્વ અને દક્ષિણ વચ્ચે 90° કાટખૂણો બને છે. √(6² + 8²) = √(36 + 64) = √100 = 10 મીટર (3:4:5 નો બમણો રેશિયો 6:8:10). સાચો જવાબ:૧૦ મીટર
પ્રશ્ન ૫ (ગોલ્ડન રેશિયો 3:4:5)
ગ્રીવા અને ગ્રીશા એક જ ઘરેથી નીકળે છે. ગ્રીવા ઉત્તરમાં ૪ કિમી અને ગ્રીશા પૂર્વમાં ૩ કિમી ચાલે છે. બંને વચ્ચેનું સીધું અંતર કેટલું હશે?
સમજૂતી: ઉત્તર અને પૂર્વ વચ્ચે કાટખૂણો બને છે. 3 : 4 : 5 ના ગોલ્ડન રેશિયો મુજબ કર્ણનું માપ સીધું ૫ કિમી મળે. સાચો જવાબ:૫ કિમી
પ્રશ્ન ૬ (ખૂણાઓ વચ્ચે કાટખૂણો)
ઈશા ઘરેથી ઈશાન દિશામાં ૫ કિમી અને ટીશા તે જ ઘરેથી વાયવ્ય દિશામાં ૧૨ કિમી ચાલે છે. બંને એકબીજાથી કેટલા અંતરે હશે?
સમજૂતી: ઈશાન (NE) અને વાયવ્ય (NW) વચ્ચે બરાબર 90° નો કાટખૂણો બને છે! તેથી 5 : 12 : 13 ના ગોલ્ડન રેશિયો મુજબ સીધું અંતર ૧૩ કિમી થાય (૧૭ કિમી નહીં). સાચો જવાબ:૧૩ કિમી
પ્રશ્ન ૭ (પડછાયો)
સંજય સૂર્યોદય સમયે ઉત્તર દિશા તરફ મોઢું રાખીને ઊભો છે, તો તેનો પડછાયો કઈ દિશામાં પડશે?
સમજૂતી: સૂર્યોદય સમયે સૂર્ય પૂર્વ દિશામાં હોય છે, તેથી વ્યક્તિ ગમે તે દિશામાં ઊભો હોય, તેનો પડછાયો હંમેશા પૂર્વની વિરુદ્ધ એટલે કે પશ્ચિમ દિશામાં (સંજયની ડાબી બાજુ) પડશે. સાચો જવાબ:પશ્ચિમ દિશા
પ્રશ્ન ૮ (સાંકેતિક દિશા)
જો ઈશાન = અગ્નિ અને પૂર્વ = દક્ષિણ કહેવામાં આવે, તો અગ્નિ બરાબર કઈ દિશા થશે?
સમજૂતી: ઘડિયાળના ડાયલ મુજબ દરેક દિશામાં વચ્ચે ૧ દિશા છોડીને (90° Clockwise) આગળ જવાનું છે (ઈશાન ➔ પૂર્વ છોડીને અગ્નિ). તેથી અગ્નિથી દક્ષિણ છોડીને નૈઋત્ય આવશે. સાચો જવાબ:નૈઋત્ય દિશા
🏆 ૪. NMMS પરીક્ષા માટે ખાસ Golden Exam Tips
૧. રફકામમાં આકૃતિ (Diagram) અવશ્ય દોરો:
⭐ પરીક્ષામાં પ્રશ્નપત્રમાં આપેલા રફપેજ પર નાની આકૃતિ દોરીને ગણતરી કરવાથી ભૂલની શક્યતા 0% થઈ જાય છે.
No comments:
Post a Comment